تابلوه مودرن للمطبخ او السفره ( عمل ايديا )

لوحه مودرن شغل ايدي 3 قطع للمطبخ او للسفره

الادوات
خشب ام دي اف
اللوان اكريليك من المكتبه
معجون لتجهيز اللوحه
وفرش للتلوين طبعا

اول حاجه نخلي النجار يقوصلنا المقاس اللي عيزينه
3 لوحات قد بعض نفس المقاس
وبعدين تجبهم وندهنهم معجون ونسنفرهم
وبعدين نرسم الشوكه والسكينه والمعلقه بالقلم الرصاص
وبعد كده نلون الاشكال بلون ابيض وبعد كدا نلون باقي اللوحه باللوان حسب ذوقك

صنيه كفته بالبطاطس والبصل والطماطم والفلفل والفحم

بطاطس بالكفته

طعمها حلو جدا ونصح الامهات يعملوها لانها مفيده والاطفال هيحبو طعمها

الطريقه

الكفته تعمليها بطرقتك
2 حبه بطاطس
2 طماطم
2 بصل
2 فلفل رومي
ودبس رمان
وتوابل
و1فحمه
هنطع كل الخضار شرايح ونصع الكفته بس نخليها مبطته
ونجيب صنيه بايركس ونرصهم بالترتيب زي الصوره او لو البايركس مستطيل يبقو ورا بعض
وبعدين رشيت ملح وفلفل فوقيها وشويه ميه صغيرين جدا  وهي علي النار وغطيها
وقبل متستوي رشي عليها معلقه صوص دبس رمان
ولما تستوي خالص تولعي فحمه وتحطيها في حاجه صغيره وفيها زيت انا حطتها في الميكرويف علشان الدخان بتاع الفحم يفضل موجود مع الصينيه اطول
وبالهنا والشفا

لوحتين من الورق المقوي تحفه

لوحتين من الورق المقوي بجد شيك قوي منقول
تعالو اقولكم علي الطريقه

هنجيب لونين من الورق المقوي اسود واخضر

ونرسم الرسمه وبالقطر نقص الاجزاء اللي في النص ونخلي الحروف ثابته ونتني الفروه علشان الاخضر يبان
اللوحه التانيه اللي فيها ورقتين شجر بردو هنرسم الرسمه ونقص بالقطر بس نسيب الجزء اللي فالنص بس ونفرغ بقيت الرسمه

عندك برطمنات وملح وتباشير ملون تعالي شوفي

هنجيب الملح ونلونو بالتباشير ونعملو طبقات الوان علي حسب الرغبه والزوق
وجددي برطمناتك واعملي احلي الاشكال

لوحه رائعه من وردات الكروشيه ( منقول )

منقول
اعملي لوحه شيك جددي بيها ديكور بيتك
عجباني جدا ومميزه
هتجيبي اي لو خشب او كرتون نسبيان وتعملي ورد كروشيه باشكال واللوان مختلفه
وتلزقيهم باسلوبك الخاص بيكي وترسمي فروع وبس
ايه رايكم في الفكره دي

تسريحه شعر للبنانيت الصغيرين ( عمايل ايديا )

تسريحه شعر للبنات الصغيرين وللشعر الخفيف عمايل ايديا

رسمه روشه للحائط بديل للستائر

رسمه ديكور للحائط بديل للستائر جديده

طريقه عمل عجينه السيراميك وتشكيله بالخطوات

مجموعه اشكال جميله ومقادير عجينه السيراميك تزيني بيهم بيتك او تعملي مدليليه للمفاتيح
او لتزين اقلام الاطفال

دي مقادير من النت مجربها وطلعت حلوه حدا ومحطتهاش علي النار كمان

اولا

2كاس نشا
2كاس غراء ابيض بتاع الخشب 
1ملعقةاكل عصير لمون
2ملعقة اكل زيت الفازلين
ملعقة اكل كريم نيفيا سوفت احسن

الطريقة

نخلط جميع الموادفي اناء تيفال ماعدا الكريم نيفيا 
نحطها على نار هادية ونحرك بملعقة خشب لغاية ما تتكون عندنا كورة متلزقش على حواف الاناء نزيلها من على النار ونخليها تبرد شوية ونكمل عجنها بايدنا بعد مندهن مكان العمل وايدنا بملعقة كريم




واما نكمل عجنها لمدة 15د نحطها في كيس بلاستيك لحين الاستعمال

ممكن نصبغ العجينة قبل منشكلها
 

الللوان ممكن اللوان جواش او الوان زيت

نيجي بقي لمجموعه الاشكال اللي قدرت اجمعها من النت 

لوحه لغرف الاطفال صنع ايديا ( بالشرح)

اعملي لوحه باسم طفلك بايدك تعالو اقولكم علي الخامات اللي هنحتجها


1 _ خشب ام دي اف
2_ اللوان اكريليك من المكتبه
3_فرش للتلوين طبعا
4_ معجون لتبطين اللوحه قبل التلوين
اول حاجه هنقص مربعات علي عدد حروف الاسم
طبعا النجار اللي هيقصها
وبعدين هنجيب المعجون بتاع الحوائط ونتدهنها
ولما تنشف نرسم الرسمه والحروف بالرصاص وبعدين نلون حسب الرغبه
واي اسئله انا موجوده

تجديد لطربيزه مكسوره بعلب البن او لبن الاطفال (اعاده تدوير)

شغل ايدي تجديد لزجاج من طربيرزه اتكسرت ومكنش ليها استعمال عملتها زي طبليه بس مودرن
الاطفال يزكرو عليها او يلونه او ياكلو عليهاعجبت بنتي قوي وفرحت بيها
الادوات

4 مصامير كبار بسموله جبتهم من الموان ب 4 جنيه
الزجاج
لون فضي وفرشه للتلوين
4 علب لبن اطفال او علب بن اللي موجود

اول حاجه خرمت غطا العلبه علشان اعدي منه المصمار

وبعدين ركبت المصامير والغطيان في الازازه

وبعدين جبت اللون الفضي كان عندي ودا شكل العلبه

وبعدين دهنت العلب فضي

وبعدين عملت دواير احجام مختلفه بنفس اللون وركبت العلب في خطيانهم

3 افكار من الكرتون والورق الملون بالشرح (اعاده تدوير)

النهارده جايبالكم 3 افكار من الكرتون والورق الملون
منقول بس هشرح مع الصور علشان تبقي اسهل ليكم
بلا نبتدي مع اول فكره





هنجيب كرتون مش عايزينه ونقص شكل سوداسي
ونقص 6 مربعات ونلزق كل مربع علي ضلع
زي الشكل اللي في الصوره ونقص 6مربعات تاني اكبر من المربعات الاولي ونلزق الحروف في بعض
هتعمل معانا زي نص دايره وبعدين نقص سته شبه العين علشان نففل الفراغات ونلزق كويس
وبعدين نعمل الاقعده والغطا علي حسب مزاجنا وقدرتنا
التزين بقي البارز دا قلم ريليف ونرش اللون اللي عايزينه فضي او دهبي برحتك

 الفكره التانيه بالورق الملون ورول المطبخ
الاسطواني هنلف كل ورقه لوخدها اسطوانه هتبقي شبه الشاليموه ونتنيها زي المربع متساوي الاضلاع
ونركب المربعات علي الرال عكس بعض
هتعمل معاكو نفس الشكل وتعملي اجمل مقلمه باجمل اللوان

الفكره 3 هنجبب ازازه بلاستك وكرتون خفيف ونعمل دواير صغيره كتير ونقصهم قد بعض
وقوه الدايره نعمل مثلث ونتي الاجزاء اللي خارج المثلث ونلزقهم جنب بعض ونشيل الازازه ونحط ورد حسب الرغبه وممكن تتلون او تترش اي لون